چين جي شهر شينزين ۾ منعقد 10هين ورلڊ ڊرون ڪانگريس 2026 ۾ پاڪستان کي ملڪ جو اعزاز ڏنو ويو.
ورلڊ ڊرون ڪانگريس ۾ 120 کان وڌيڪ ملڪن شرڪت ڪئي جتي پاڪستان توجه جو مرڪز بڻجي ويو، مملڪتي وزير ۽ چيئرمين پاڪستان ورچوئل ايسٽس ريگيوليٽري اٿارٽي بلال بن ثاقب ورلڊ ڊرون ڪانگريس ۾ پاڪستان جي نمائندگي ڪئي.
ورلڊ ڊرون ڪانگريس ۾ پنهنجي اهم تقرير ۾ بلال بن ثاقب چيو ته هو ورلڊ ڊرون ڪانگريس جي منتظمين جو شڪر گذار آهي ته انهن پاڪستان کي ”عزت وارو ملڪ“ قرار ڏنو.
بلال بن ثاقب چيو ته ڊرون ٽيڪنالاجي، ڊجيٽلائيزيشن ۽ بلاڪچين جو ميلاپ لاجسٽڪ ۽ سپلائي چين کي تبديل ڪري رهيو آهي. بلاڪچين استعمال ڪندي، ڊرون آپريشن وڌيڪ محفوظ، شفاف ۽ ڪارائتو ٿي سگهي ٿو. ڊرون ۽ بلاڪچين جو ميلاپ سمارٽ شهرن، صنعتي نگراني ۽ ايمرجنسي ردعمل لاءِ نوان رستا کولي رهيو آهي.
هن چيو ته پاڪستان جديد ٽيڪنالاجيءَ جي ترقيءَ لاءِ ادارتي سهڪار فراهم ڪري رهيو آهي، ورلڊ ڊرون ڪانگريس ڊرونز ۽ ڊجيٽل اثاثن جي شعبي ۾ عالمي تعاون کي هڪ نئون رخ ڏئي رهي آهي، ٽيڪنالاجي جي جدت، ريگيوليٽري هم آهنگي ۽ صنعتي ترقي وقت جي ضرورت آهي. پاڪستان ڊجيٽل معيشت ۽ ورچوئل اثاثن جي ضابطن ۾ ترقي ڪري رهيو آهي. ڊرون انڊسٽري کي جدت ۽ عالمي سيڙپڪاري جي سخت ضرورت آهي.
