ڪراچي:
گلبرگ ٿاڻي جي حد ۾ پوليس ۽ جوابدارن ۾ مقابلو، ٻن جوابدارن کي زخمي حالت ۾ گرفتار ڪري ورتو.
ضلعي سينٽرل پوليس جي ترجمان موجب گرفتار جوابدارن جي سڃاڻپ بلال ۽ ذيشان جي نالن سان ٿي آهي. پوليس اختيارين جو چوڻ آهي ته فائرنگ جي ڏي وٺ کانپوءِ ٻنهي زخمين کي فوري طور تي عباسي شهيد اسپتال منتقل ڪيو ويو، جڏهن ته سندن قبضي مان 2 پستول ۽ ڪيترائي گوليون پڻ هٿ ڪيون ويون آهن.
ايس ايس پي ضلعي سينٽرل ڊاڪٽر محمد عمران خان موجب گرفتار جوابدارن خلاف پوليس مقابلي ۽ آرمس ايڪٽ تحت ڪيس داخل ڪيا ويا آهن.
شروعاتي جاچ ۾ جوابدار جو اڳوڻو ڪرمنل رڪارڊ به سامهون آيو آهي، جڏهن ته وڌيڪ جاچ ڪئي پئي وڃي.
پوليس جو چوڻ آهي ته علاج مڪمل ٿيڻ بعد ٻن زخمي جوابدارن کي وڌيڪ جاچ لاءِ جاچ کاتي جي حوالي ڪيو ويندو.
