ايران سميت اهم عالمي معاملن تي صلاح مشورا؛ ٽرمپ ڪيمپ ڊيوڊ ۾ ڪابينا جو خاص اجلاس ملتوي ڪري ڇڏيو

ڪيمپ ڊيوڊ ۾ آمريڪي صدر ڊونلڊ ٽرمپ طرفان ايران سميت اهم عالمي ۽ گهرو معاملن تي غور ڪرڻ لاءِ سڏايل ڪابينا جو خاص اجلاس ملتوي ڪيو ويو آهي. آمريڪي ميڊيا موجب ڪابينا جو ڪيمپ ڊيوڊ جو دورو ممڪن خراب موسم سبب ملتوي ڪيو ويو، ڪابينا جو خاص اجلاس هاڻي وائيٽ هائوس ۾ ٿيندو. عالمي خابرو اداري موجب آمريڪي ڪابينا جو هي غير معمولي اجلاس اوچتو هو ۽ اڳ ۾ رٿيل نه هئي، جنهن ۾ ڪابينا جي سمورن اهم ميمبرن شرڪت ڪرڻي هئي. ذريعن موجب ملاقات کي وائيٽ هائوس کان پري ڪنهن پرامن ۽ محفوظ هنڌ تي منتقل ڪرڻ جو مقصد اعليٰ عملدارن کي ڪنهن سياسي يا ميڊيا جي دٻاءَ کانسواءِ اهم معاملن تي تفصيلي ڳالهه ٻولهه ڪرڻ جي اجازت ڏيڻ هو. رپورٽن مطابق ملاقات ۾ خاص طور تي ايران سان جاري ڳالهين ۽ ممڪن ڊيل تي خيالن جي ڏي وٺ ڪئي ويندي. ياد رهي ته ڪيمپ ڊيوڊ ماضي ۾ آمريڪي صدرن طرفان حساس قومي سلامتي ۽ پرڏيهي پاليسي جي معاملن تي اهم مشاورت لاءِ استعمال ڪيو ويو آهي. اهو ماڳ 1978 جي تاريخي ڪيمپ ڊيوڊ معاهدي لاءِ پڻ مشهور آهي، جنهن مصر ۽ اسرائيل جي وچ ۾ امن معاهدي جو بنياد رکيو.



Source link