پشاور:
خيبرپختونخواهه اسيمبلي ۾ ناراض حڪومتي ميمبرن سان اتفاق نه ٿي سگهيو. ناراض ميمبرن ڪنهن به قسم جي ڳالهين کان انڪار ڪندي مستقبل جي لائحه عمل لاءِ اڄ اجلاس طلب ڪري ورتو.
ايڪسپريس نيوز موجب خيبرپختونخواهه اسيمبلي ۾ حڪومتي ميمبرن جي ناراض گروپ پنهنجي مطالبن تي اصرار ڪري ڇڏيو.
ناراض ميمبرن جو چوڻ آهي ته اسان کي وڏي وزير سهيل آفريدي کان يقين ڏياريو وڃي. ناراض ميمبر چيو ته اسان وٽ فارورڊ بلاڪ ناهي. جيڪڏهن فارورڊ بلاڪ ٺهيو ته عمران خان خلاف هوندو. حڪومت جي پاليسين کان ناراض آهيون. مرڪزي قيادت کي آگاهه ڪيو ويو آهي ۽ کين خط به لکيو ويو آهي پر پارٽي چيئرمين طرفان ڪو به جواب نه آيو آهي.
