اسلام آباد:
اسلام آباد ۾ 30هين سالياني انٽرنيشنل پاڪستان ايسوسيئيشن آف پلاسٽڪ سرجنز ڪانفرنس منعقد ٿي، جنهن کي طبي تعليم ۽ تحقيق ۾ اهم پيش رفت قرار ڏنو پيو وڃي.
اسپيشل انويسٽمينٽ فيليليٽيز ڪائونسل (SIFC) جي ڪوششن صحت جي شعبي ۾ سڌارن ۽ جديد طبي تحقيق کي نئون رخ ڏنو آهي.
پاڪستان جو صحت جو شعبو پنهنجي وڌندڙ صلاحيت، جدت ۽ سيڙپڪاري جي ڪشش سبب عالمي ڌيان جو مرڪز بڻجي رهيو آهي ۽ ان سلسلي ۾ پاڪستان ايسوسيئيشن آف پلاسٽڪ سرجنز (PAPS) جي 30هين سالياني عالمي ڪانفرنس اسلام آباد ۾ ٿي.
ڪانفرنس ۾ 400 کان وڌيڪ نمائندن، 12 عالمي ماهرن ۽ ملڪ جي ممتاز تدريسي ادارن جي سرجنن شرڪت ڪئي.
ڪانفرنس ۾ فعال شرڪت ڪندڙن جي شرڪت، سائنسي بحث ۽ نيٽ ورڪنگ سيشن شامل هئا، جڏهن ته خاص سيشن ۽ غير جارحتي جمالياتي طريقيڪار ۽ جديد ٽيڪنالاجي تي لائيو مظاهرا پڻ پيش ڪيا ويا.
SIFC جي سهڪار عالمي سطح تي صحت جي شعبي ۾ نوان رخ پيدا ڪري هڪ مضبوط بنياد فراهم ڪيو آهي. ملڪي ۽ غير ملڪي ماهرن ڪانفرنس ۾ شرڪت تي خوشي جو اظهار ڪندي چيو ته ڪانفرنس جو حصو بڻجڻ سندن لاءِ اعزاز جي ڳالهه آهي. منعقد ڪيل تعليمي سيشن شرڪت ڪندڙن لاء تمام مفيد ثابت ٿيندا.
ان موقعي تي شفا انٽرنيشنل اسپتال جي پروفيسر مامون رشيد چيو ته ڪانفرنس جو حصو بڻجڻ منهنجي لاءِ اعزاز جي ڳالهه آهي ۽ تعليمي سيشن تمام ڪارآمد ثابت ٿيا. استنبول مان آيل ڊاڪٽر شرفيتڪي ڪانفرنس کي هڪ خوشگوار ۽ مفيد سکيا وارو تجربو قرار ڏنو ۽ ان کي جونيئر ۽ سينيئر سرجنز لاءِ تمام ضروري سمجهيو.
بنگلاديش مان آيل ڊاڪٽر سعيد احمد صديقي ڪانفرنس جي سائنسي معيار کي ساراهيو ۽ چيو ته هو پاڪستان ۽ بنگلاديش وچ ۾ پلاسٽڪ سرجري جي شعبي ۾ تعاون جا منتظر آهن.
