افغان طالبان جي حڪومت خلاف عالمي سطح تي احتجاج وڌي ويو آهي ۽ انساني حقن جون تنظيمون حڪومت خلاف ميدان ۾ اچي ويون آهن.
انٽرنيشنل فيڊريشن فار هيومن رائيٽس سميت 82 ٻين عالمي تنظيمن جون ۾ طالبان وفد جي برسلز جي ممڪن دوري تي خدشا ظاهر ڪيا آهن.
انساني حقن جي تنظيمن يورپي يونين کان پرزور مطالبو ڪيو آهي ته افغان طالبان سان سياسي ۽ سفارتي لاڳاپا قائم نه ڪيا وڃن. تنظيمن ان ڳالهه تي زور ڏنو ته طالبان افغانستان جي عوام جا نمائندا نه آهن ۽ نه ئي نمائنده عمل ذريعي اقتدار ۾ آيا آهن.
تنظيمن جو چوڻ آهي ته انصاف جي عالمي عدالت جنس جي بنياد تي ظلمن تي ٻن سينيئر طالبان اڳواڻن جا وارنٽ جاري ڪيا آهن، جڏهن ته ڪيترائي ميمبر يورپي يونين جي پابندين واري لسٽ ۾ شامل آهن.
تنظيمن جو چوڻ آهي ته يورپي سرزمين تي طالبان سان باضابطه رابطي جا سنگين قانوني ۽ سياسي اثر هوندا، انهن جي غير قانوني حڪومت کي تسليم ڪرڻ جو امڪان وڌي ويندو.
ماهرن موجب طالبان جي حڪومت کي جاءِ ڏيڻ افغانستان جي ڪروڙين عوام جي آواز کي دٻائڻ برابر هوندو.
