لاهور:
ڪوڪين ڪوئن انمول عرف پنڪي بابت جاچ ۾ اهم انڪشاف سامهون آيا آهن.
پوليس موجب انمول پنڪي جو اڳوڻو مڙس ناصر پنهنجي ڀائرن سان گڏ منشيات جو ڪاروبار ڪندو هو. پوليس موجب ناصر پنهنجي ٻن ڀائرن منصور ۽ شهروز سان گڏ لاهور آيو هو، جتي ٽنهي ڀائرن پهريان گڏجي گيسٽ هائوس ۽ شراب جو ڪاروبار شروع ڪيو.
بعد ۾ ناصر پنهنجي ٻن ڀائرن هڪ دوست عرفان ۽ ڀائٽي سان گڏجي ڪوڪين جو ڪاروبار شروع ڪيو. جاچ موجب ناصر ئي انمول عرف پنڪي کي ڪوڪين ٺاهڻ جو ماهر بڻايو هو جڏهن ته ٻئي مڙس ۽ زال لاهور ۽ ڪراچي سميت سڄي پاڪستان ۾ ڪوڪين سپلاءِ ڪندا هئا.
پوليس جو چوڻ آهي ته ناصر پنهنجي ڀائرن سان گڏجي ڪوڪين جو ڪاروبار ڪراچي وٺي ويو هو. ان کان علاوه، انمول عرف پنڪي 2021 ۾ ناصر کي هڪ اڳوڻي انسپيڪٽر جي حڪم تي طلاق ڏني.
