ڪراچي:
عدالت ۾ ٻڌڻي دوران جيل اختيارين موقف اختيار ڪيو ته جوابدار منشيات فروش انمول عرف پنڪي کي قابل اعتراض ڪپڙا پائڻ جي اجازت نه ٿا ڏئي سگهون.
جڊيشل مئجسٽريٽ ڏکڻ ۾ منشيات فروش انمول عرف پنڪي جي قتل ڪيس جي ٻڌڻي ٿي. وومين جيل سپرنٽينڊنٽ جيل ۾ سهولتن جي عدم فراهمي خلاف جوابدار انمول عرف پنڪي جي درخواست تي تفصيل عدالت ۾ پيش ڪيا.
عدالت پڇاڻو ڪيو ته جيل ۾ جوابدارن کي دوائون ۽ ڪپڙا ڇو نه ڏنا پيا وڃن. .
جيل سپرنٽينڊنٽ موقف اختيار ڪيو ته جوابدارن کي ڪپڙا فراهم ڪرڻ تي ڪو به اعتراض ناهي. جوابدار کي قابل اعتراض لباس پائڻ جي اجازت نه ٿي ڏئي سگهجي.
عورت جيل آفيسر عدالت کي ٻڌايو ته جوابدار آرڊر ڪري سگهي ٿو ۽ نارمل ڪپڙا پائڻ، اسان کي ڪو اعتراض نه هوندو. جوابدار سول اسپتال ۾ علاج هيٺ آهي. سول اسپتال جي ڊاڪٽر پاران ڏنل دوائون ڏنيون پيون وڃن.
عدالت وومين جيل اختيارين جو موقف ٻڌڻ کانپوءِ انمول عرف پنڪي جي درخواست رد ڪري ڇڏي.
