حڪومت ڪمرشل جهازن ۾ استعمال ٿيندڙ جيٽ فيول جي قيمت ۾ 7 رپيا 15 پئسا في ليٽر گهٽتائي ڪري ڇڏي آهي.
ذريعن موجب جيٽ فيول جي نئين قيمت 231 رپيا 72 پئسا في ليٽر مقرر ڪئي وئي آهي. ذريعن جو وڌيڪ چوڻ آهي ته جيٽ فيول جي قيمتن ۾ گهٽتائي سان ايئرلائنز کي تيل جي قيمتن ۾ وڏي بچت ٿيندي، جنهن سان هوائي آپريشن جي قيمتن ۾ گهٽتائي جو امڪان آهي.
ذريعن جو چوڻ آهي ته وچ اوڀر ۾ تازي جنگي صورتحال کان اڳ جيٽ فيول جي قيمت 188 رپيا في ليٽر جي لڳ ڀڳ هئي پر بعد ۾ عالمي مارڪيٽ ۾ قيمتن ۾ واڌ سبب مقامي سطح تي به ان جي قيمت ۾ ڪافي اضافو ٿيو هو.
حڪومت پاران تازو ڪٽ جي باوجود، جيٽ ايندھن جي موجوده قيمت اڃا به اڳئين وچ اوڀر جنگ جي سطح کان وڌيڪ آهي.
ياد رهي ته گذريل ڏينهن حڪومت عالمي سطح تي تيل جي قيمتن ۾ گهٽتائي باوجود ايندڙ هفتي پاڪستان ۾ پيٽرول ۽ ڊيزل جون قيمتون برقرار رکڻ جو فيصلو ڪيو هو، جنهن سبب صارفين کي گهربل رليف نه مليو هو.
ان دوران حڪومت گاسليٽ جي قيمتن ۾ گهٽتائي ڪرڻ سان گڏ پيٽرول ۽ ڊيزل تي ليوي وڌائي ڇڏي آهي.
