فيفا ورلڊ ڪپ جي گروپ جي جي اهم ميچ ۾ الجيريا اردن کي 1-2 تان شڪست ڏئي ناڪ آئوٽ اسٽيج تائين پهچڻ جون اميدون زندهه رکيون.
سانتا ڪلارا ۾ شڪست کانپوءِ اردن جون ٽورنامينٽ ۾ اڳتي وڌڻ جون اميدون ختم ٿي ويون.
ميچ جي شروعات ۾ اردن مضبوط دفاع سان الجزائر جي حملن کي گهڻي دير تائين پوئتي رکيو. جڏهن ته 36هين منٽ ۾ دفاعي غلطي جو فائدو وٺندي اردن جي نزار الراشدان گول ڪري ٽيم کي برتري ڏياري.
ٻئي هاف ۾ الجزائر جارحاڻي انداز ۾ راند جاري رکي ۽ آخر ۾ 69 هين منٽ ۾ متبادل نذير بينبولي شاندار هيڊر سان گول ڪري اسڪور برابر ڪري ڇڏيو.
جنهن بعد ٻنهي ٽيمن وچ ۾ مقابلو سخت ٿي ويو.
ميچ جي آخري لمحن ۾ امين غوري موقعي جو فائدو وٺندي بال کي جال ۾ وجهي ٽيم کي 1-2 جي برتري ڏياري جيڪا آخر تائين برقرار رهي.
