فيفا ورلڊ ڪپ: مراکش اسڪاٽ لينڊ کي شڪست ڏئي اهم فتح حاصل ڪري ورتي

فيفا فٽبال ورلڊ ڪپ 2026ع جي گروپ سي جي اهم ميچ ۾ مراڪش اسڪاٽ لينڊ کي 0-1 تان شڪست ڏئي ٽن قيمتي پوائنٽس حاصل ڪري ورتيون. بوسٽن ۾ کيڏيل ميچ ۾ مراکش انتهائي جارحاڻي انداز ۾ راند جي شروعات ڪئي ۽ ميچ جي صرف 71 سيڪنڊن ۾ برتري حاصل ڪري ورتي. مراکش جي رانديگر سبري شاندار موقعي جو فائدو وٺندي بال کي جال ۾ وجهي پنهنجي ٽيم کي 0-1 جي برتري ڏياري. شروعاتي گول کان پوءِ مراڪش ٽيم وڌيڪ برتري حاصل ڪرڻ لاءِ زور ڀريندي رهي، جڏهن ته اسڪاٽ لينڊ خساري کي بند ڪرڻ لاءِ حملا جاري رکيا پر پهرين هاف جي آخر تائين اسڪور 0-1 رهيو. ٻئي هاف ۾ اسڪاٽ لينڊ راند ۾ واضح بهتري ڏيکاري ۽ بال تي وڌيڪ ڪنٽرول حاصل ڪري ڪيترائي حملا ڪيا. اسڪاٽش رانديگرن جي پاسنگ ۽ اٽيڪنگ موز به سٺيون هيون، پر اهي مراکش جي مضبوط دفاع کي ٽوڙي نه سگهيا ۽ گول اسڪور ڪري سگهيا. ميچ جي پڄاڻي تي مراکش 0-1 تان ڪاميابي حاصل ڪري گروپ ۾ پنهنجي پوزيشن مضبوط ڪري ورتي ۽ ٽي اهم پوائنٽون گڏ ڪيون. ٻئي طرف شڪست باوجود اسڪاٽ لينڊ جا ايونٽ جي ايندڙ مرحلي ۾ اڳڀرائي جا چانس برقرار آهن ۽ ٽيم جون نظرون هاڻي پنهنجي ايندڙ ميچ تي مرکوز آهن.



Source link