پاڪستان ٽيسٽ ٽيم ويسٽ انڊيز جي دوري لاءِ اسلام آباد انٽرنيشنل ايئرپورٽ تان روانو ٿي وئي.
تفصيل موجب پاڪستاني ٽيم اسلام آباد، دوحا ۽ لنڊن کان ٿيندي ويسٽ انڊيز پهچندي.
بابر اعظم جي قيادت ۾ قومي ٽيم ٽرينيڊاڊ اينڊ ٽوباگو جي گادي واري هنڌ پورٽ آف اسپين ۽ ٽوروبا ۾ ميچ کيڏندي.
روانگي کان اڳ پاڪستاني اسڪواڊ راولپنڊي ڪرڪيٽ اسٽيڊيم ۾ ٽن ڏينهن تائين ٽريننگ ڪئي ۽ ٻن ڏينهن واري منظرنامي تي ٻڌل ميچ پڻ کيڏي.
پاڪستان ٽيسٽ ٽيم 18 کان 21 جولاءِ تائين ويسٽ انڊيز ۾ چار ڏينهن واري پريڪٽس ميچ کيڏندي.
پاڪستان ۽ ويسٽ انڊيز وچ ۾ آءِ سي سي ورلڊ ٽيسٽ چيمپيئن شپ جون ٻه ٽيسٽ ميچون 25 جولاءِ کان 10 آگسٽ تائين برائن لارا ڪرڪيٽ اڪيڊمي ٽوروبا ۽ ڪوئنز پارڪ اوول پورٽ آف اسپين ۾ کيڏيون وينديون.
