ريلوي واري وزير محمد حنيف عباسي جو چوڻ آهي ته لاهور ۽ راولپنڊي وچ ۾ ٽريڪ تيار ڪري رهيا آهيون جنهن لاءِ ميٽرڪ هلي رهي آهي، نئين ٽريڪ تي لاهور کان راولپنڊي جو سفر 2 ڪلاڪ 20 منٽ لڳندو. لاهور ريلوي هيڊڪوارٽر ۾ ريزرويشن آفيس جو افتتاح ڪرڻ کانپوءِ ميڊيا سان ڳالهائيندي ريلوي واري وزير چيو ته روهڙي ٽريڪ تي به ڪم جاري آهي ۽ سيپٽمبر تائين ڪم مڪمل ٿي ويندو. 14 آگسٽ تي پيپلز ٽرين جو افتتاح ڪيو پيو وڃي، حنيف عباسي چيو ته هن وقت پاڪستان ريلوي ۾ اهڙو ڪو به ڪم ناهي جيڪو نه ٿي رهيو هجي، پاڪستان ريلوي جو مسئلو سڀني کي خبر آهي، سڀ کان وڏو مسئلو ريلوي ٽريڪ جو آهي. هن چيو ته جيستائين ايم ايل ون جو تعلق آهي ته هو سمورن صوبن ۾ ويو آهي، سمورا صوبا گڏجي ڪم ڪري رهيا آهن، سنڌ جو وڏو وزير به جلد ايم او يو تي صحيح ڪرڻ وارو آهي. حنيف عباسي چيو ته پاڪستان ريلوي کي ڊجيٽلائيز ڪرڻ جو ٽاسڪ اسان کي وزيراعظم پاڪستان ڏنو هو، اڄ جيڪو ڪنٽرول روم موجود آهي اهو اسٽيٽ آف دي آرٽ آهي، ان کان علاوه 7 وڌيڪ ڪمرا به تعمير ڪيا ويندا ۽ ايف ڊبليو او به ان ۾ اسان سان گڏ ڪم ڪري رهي آهي. هن چيو ته راولپنڊي، لاهور ۽ ملتان ۾ اسٽيشنون ٺهي رهيون آهن، سمورن وڏن اسٽيشنن تي وائي فائي لڳائي رهيا آهيون، مارڪيٽ ڊپارٽمينٽ کي تبديل ڪيو پيو وڃي جڏهن ته آٽو گاڏين جي ٽرانسپورٽ تي ڪم ڪيو پيو وڃي. ريلوي واري وزير چيو ته عوامي ايڪسپريس جا نوان ريڪس جاري ڪيا پيا وڃن، پشاور لاءِ عوامي ايڪسپريس کي 30 مئي کان جديد بڻايو ويندو ۽ نيون ڪوچون لڳايون وينديون.
Source link
Leave a Comment Leave a Comment
