اسلام آباد:
حڪومت پهرين جولاءِ کان پراپرٽي خريد ڪندڙن ۽ وڪرو ڪندڙن تي ايڊوانس ٽيڪس ۾ گهٽتائي جي منظوري ڏئي ڇڏي آهي ۽ فنانس بل جي منظوري کانپوءِ نئين مالي سال جي پهرين جولاءِ کان سڄي ملڪ ۾ ملڪيتن جي خريد و فروخت تي نئون ٽيڪس لاڳو ڪيو ويندو.
ايڪسپريس موجب حڪومت فنانس بل ۾ غير منقوله ملڪيت جي ٽرانزيڪشن تي نئين ٽيڪس جي شرح لاڳو ڪرڻ جي منظوري ڏئي ڇڏي آهي. نئين قانون تحت پهرين جولاءِ کان پراپرٽي وڪرو ڪندڙ شخص کان ڪل رقم جو 2.75 سيڪڙو ايڊوانس ٽيڪس وصول ڪيو ويندو.
ٻئي طرف پراپرٽي خريد ڪندڙ شخص تي پراپرٽي جي فيئر مارڪيٽ ويليو جو 1.25 سيڪڙو ايڊوانس ٽيڪس به لڳايو ويندو، جنهن سان پراپرٽي سيڪٽر ۾ ڪاروبار ڪرڻ جي لاڳت ۾ واڌ جو امڪان آهي.
اهڙي طرح منظور ڪيل فنانس بل موجب ڪارپوريٽ سيڪٽر ۽ بئنڪن تي ٽيڪس جو بار وڌايو ويو آهي.
1 جولاءِ کان بئنڪنگ ڪمپنيون ۽ فرٽيلائزر سيڪٽر 15 ڪروڙ رپين کان وڌيڪ آمدني تي 10 سيڪڙو جي شرح سان ٽيڪس لڳايو ويندو، جڏهن ته ٻين سڀني ڪارپوريٽ ڪمپنيون 50 ڪروڙ رپين کان وڌيڪ آمدني تي 8 سيڪڙو ٽيڪس وصول ڪندي.
