پاڪستان گڊز ٽرانسپورٽ الائنس جي صدر ملڪ شهزاد اعواڻ وفاقي حڪومت پاران ڊيزل ۽ پيٽرول جي قيمتن ۾ گهٽتائي جي آجيان ڪندي گڊز ٽرانسپورٽ جي ڀاڙن ۾ گهٽتائي جو اعلان ڪيو آهي. ملڪ شهزاد اعواڻ حڪومت جي پيٽروليم شين جي قيمتن ۾ گهٽتائي واري فيصلي تي رد عمل ظاهر ڪندي چيو ته اسان گڊز ٽرانسپورٽ جي ڀاڙن ۾ 6 سيڪڙو گهٽتائي جو اعلان ڪريون ٿا. هن چيو ته ڊيزل ۽ پيٽرول جي قيمتن ۾ گهٽتائي جي فيصلي تي وزيراعظم پاڪستان جا ٿورائتا آهيون، اميد آهي ته پيٽروليم شين جي قيمتن ۾ وڌيڪ گهٽتائي ڪئي ويندي. هن چيو ته پيٽروليم شين جي قيمتن ۾ گهٽتائي سان ٽرانسپورٽرن سميت هر پاڪستاني کي رليف مليو آهي. جنگي صورتحال سبب ملڪ ۾ امپورٽ ۽ ايڪسپورٽ ۾ انتهائي گهٽتائي آئي آهي، جنهن سبب ڪم ڪاروبار نه هئڻ جي برابر آهي. ملڪ شهزاد اعواڻ چيو ته جنگي صورتحال ۽ پيٽروليم شين جي اگهن ۾ واڌ سبب اسان جي ٽرانسپورٽ جو ڪم تمام گهڻو متاثر ٿيو آهي، ڪم نه ٿيڻ سبب اسان جي ٽرانسپورٽرن هزارين گاڏيون پارڪ ڪيون آهن. هن چيو ته موجوده صورتحال ۾ اسان کي اميد آهي ته وفاقي حڪومت طرفان گڊز ٽرانسپورٽرن کي وڌيڪ رليف ڏنو ويندو، اسان ملڪ جي وسيع تر مفاد ۾ گاڏين کي نقصان ۾ هلائي رهيا آهيون. پاڪستان گڊز ٽرانسپورٽ الائنس جي صدر چيو ته اسان وفاقي حڪومت کان ود هولڊنگ ٽيڪس، ٽول ٽيڪس سميت ٽريفڪ ۽ هاءِ وي پوليس جي غير قانوني چالانن ۾ رليف جو مطالبو ڪيو هو، حڪومت به اسان کي ايتريون سهولتون ڏئي جيئن اسان ادا ڪريون ٿا. هن چيو ته اڄ هڪ ڀيرو ٻيهر وفاقي حڪومت کان مطالبو ڪريون ٿا ته هولڊنگ ٽيڪس سان گڏ ٽول ٽيڪس سميت هاءِ وي پوليس ۽ ٽريفڪ پوليس جي غير قانوني چالان ۾ رليف ڏنو وڃي. ملڪ شهزاد اعواڻ چيو ته عوام جي روزاني استعمال جي شين جي قيمتن ۾ گهٽتائي جو سبب پيٽروليم شين جي قيمتن ۾ گهٽتائي ۽ قيمتون برقرار رکڻ سان ٿيندي.
Source link
Leave a Comment Leave a Comment
