اسلام آباد:
نائب وزيراعظم اسحاق ڊار ۽ قطري مملڪتي وزير وچ ۾ ٽيليفون تي علائقائي صورتحال تي خيالن جي ڏي وٺ ڪئي وئي.
پرڏيهي معاملن واري وزارت جي ترجمان موجب نائب وزيراعظم ۽ پرڏيهي وزير محمد اسحاق ڊار اڄ قطر جي پرڏيهي معاملن واري مملڪتي وزير محمد بن عبدالعزيز الخليفه سان ٽيليفون تي ڳالهه ٻولهه ڪئي.
ٻنهي اڳواڻن وچ ۾ علائقائي صورتحال ۽ گڏيل دلچسپي جي معاملن تي خيالن جي ڏي وٺ ڪئي وئي. ٻنهي ڌرين علائقائي چئلينجن کي منهن ڏيڻ لاءِ ڳالهين ۽ سفارتي لاڳاپن جي اهميت تي زور ڏنو.
قطري مملڪتي وزير خطي ۾ پاڪستان جي تعميري ڪردار ۽ امن لاءِ جاري سفارتي ڪوششن کي ساراهيو.
نائب وزيراعظم ۽ پرڏيهي وزير خطي ۽ ان کان ٻاهر امن، استحڪام ۽ خوشحالي جي گڏيل مقصدن کي اڳتي وڌائڻ لاءِ پاڪستان جي عزم کي ورجايو.
