وزيراعظم محمد شهباز شريف سان گهرو وزير سيد محسن رضا نقوي ملاقات ڪئي، جنهن ۾ پاڪستان سپر ليگ سيزن 11 جي انعقاد جي حوالي سان خيالن جي ڏي وٺ ڪئي وئي.
تفصيل موجب گهرو وزير محسن نقوي وزيراعظم هائوس ۾ شهباز شريف سان ملاقات ڪئي، جنهن ۾ گهرو وزير وزيراعظم کي ملڪ ۾ سڪيورٽي جي صورتحال ۽ امن امان بابت قدمن کان آگاهه ڪيو.
ملاقات ۾ گهرو وزير وزيراعظم کي پي ايس ايل فائنل ميچ جي سيڪيورٽي ۽ ٻين انتظامن بابت به آگاهه ڪيو.
وزيراعظم پي ايس ايل فائنل لاءِ رانديگرن، مداحن ۽ ٻين شهرين لاءِ بهترين انتظام ڪرڻ جي به هدايت ڪئي.
واضح رهي ته پاڪستان سپر ليگ جو فائنل سڀاڻي لاهور ۾ حيدرآباد ڪنگز ۽ پشاور زلمي وچ ۾ کيڏيو ويندو، جنهن ۾ تماشائن کي اسٽيڊيم ۾ اچڻ جي اجازت هوندي.
