ڪراچي:
عالمي ۽ مقامي ايڪسچينج مارڪيٽ ۾ 4 ڏينهن جي وقفي کانپوءِ سون ۽ چاندي جي قيمتن ۾ گهٽتائي رڪارڊ ڪئي وئي.
عالمي بلين مارڪيٽ ۾ سون جو في تولو اگهه 18 ڊالرن جي گهٽتائي سان 4 هزار 96 ڊالر ٿي ويو، خميس جي ڏينهن مقامي صرافه مارڪيٽ ۾ سون جو في تولو اگهه 1 هزار 800 رپين جي گهٽتائي سان 4 لک 32 هزار 36 رپين جو ٿي ويو.
اهڙي طرح سون جو في 10 گرام اگهه 1 هزار 543 رپيا گهٽتائي سان 3 لک 70 هزار 401 رپيا ٿي ويو آهي.
هوڏانهن عالمي مارڪيٽ ۾ چاندي جو في اونس اگهه 33 سينٽ جي گهٽتائي سان 58 ڊالر 91 سينٽس ٿي ويو، جنهن جي نتيجي ۾ في تولو چاندي جو اگهه 33 رپيا گهٽجي 6 هزار 370 رپيا ۽ في 10 گرام چاندي جو اگهه 28 رپيا گهٽجي 5 هزار 461 رپيا ٿي ويو.
