لاهور:
پارڪ ٿيل گاڏين جا شيشا ٽوڙي قيمتي سامان چوري ڪندڙ جوابدار کي سيف سٽي ڪيمرائن جي مدد سان گرفتار ڪيو ويو.
پوليس موجب جوابدار مختلف علائقن ۾ شهرين جي گاڏين کي نشانو بڻائي قيمتي سامان کڻي فرار ٿيندا هئا، جيڪي ماڊل ٽائون، شادمان، مين بليوارڊ ۽ ايم ايم عالم روڊ تي واقعن ۾ ملوث هجڻ سبب پوليس کي گهربل هئا.
ايمرجنسي هيلپ لائن 15 تي اطلاع ملڻ تي ورچوئل پيٽرول آفيسر فوري طور تي جوابدارن جي ڳولا شروع ڪئي. سيف سٽي ڪيمرائن ۽ جديد ٽيڪنالوجي جي مدد سان جوابدار جي سڃاڻپ ڪري ان جي روٽ کي مڪمل طور تي ميپ ڪيو ويو، جنهن بعد پوليس سيف سٽي جي مليل اطلاع تي جوابدار کي گرفتار ڪرڻ ۾ ڪامياب ٿي ويو.
سيف سٽي جي ترجمان موجب ڊجيٽل مانيٽرنگ ۽ انٽيليجنس بيسڊ آپريشنز ذريعي ڏوهن ۾ نمايان گهٽتائي ممڪن آهي، جڏهن ته جديد ڪيمرائن جي مدد سان ڏوهارين جي بروقت سڃاڻپ ۽ گرفتاري عمل ۾ اچي رهي آهي.
ترجمان وڌيڪ چيو ته سيف سٽي شهرين جي جان ۽ مال جي تحفظ لاءِ هميشه ڪوششون ڪري رهي آهي.
