راولپنڊي ۾ نيشنل سائبر ڪرائم انويسٽيگيشن ايجنسي آن لائن بليڪ ميلنگ ۽ عورت جي جنسي استحصال ۾ ملوث جوابدار کي گرفتار ڪري ورتو.
ايجنسي موجب ساهيوال مان جوابدار عمير ادريس کي اسلام آباد ۾ ڪارروائي ڪري گرفتار ڪيو ويو. ڪارروائي سب انسپيڪٽر امجد بلال جي ٽيم ڪئي.
جاچ ۾ ٻڌايو ويو آهي ته جوابدار جعلي انسٽاگرام آئي ڊي ذريعي عورت کي فحش وڊيوز ٺاهي بليڪ ميل ڪندو رهيو ۽ سوشل ميڊيا جو استعمال به ڪندو رهيو.
اختيارين موجب جوابدار وٽان 2 موبائيل فون به هٿ ڪيا ويا آهن، جڏهن ته سندس خلاف پيڪا ايڪٽ سميت مختلف ٿاڻن تحت ڪيس داخل ڪيو ويو آهي. جوابدار کي عدالت مان رمانڊ وٺي وڌيڪ جاچ ڪئي پئي وڃي.
