اسلام آباد:
آءِ ايم ايف واپار ۽ شڪي ٽرانزيڪشن تي ڳڻتي جو اظهار ڪندي حڪومت کي ايندڙ مالي سال جي بجيٽ کان اڳ مني لانڊرنگ خلاف سخت قدم کڻڻ جي هدايت ڪئي.
ذريعن موجب نئين مالي سال جي بجيٽ جي تياري دوران آءِ ايم ايف حڪومت تي زور ڏنو آهي ته واپار جي بنياد تي مني لانڊرنگ خلاف فوري ۽ موثر قدم کنيا وڃن.
آءِ ايم ايف واپار جي آڙ ۾ مني لانڊرنگ کي روڪڻ، فائدي جي مالڪي جي معلومات جي مٽاسٽا ۾ خاميون ختم ڪرڻ ۽ مالي نگراني نظام کي مضبوط ڪرڻ جو مطالبو ڪيو آهي.
بين الاقوامي پئسي فنڊ بينڪنگ سيڪٽر، غير مالياتي ادارن ۽ مختلف شعبن ۾ شڪي ٽرانزيڪشن جي نگراني تي به خدشن جو اظهار ڪيو، جڏهن ته ڪجهه شعبن ۾ بليڪ مني ۽ اڻ ٽيڪسي سيڙپڪاري جي به نشاندهي ڪئي وئي آهي.
