تڪراري ليگ آءِ پي ايل جي حوالي سان حيران ڪندڙ انڪشاف سامهون آيو آهي.
آءِ پي ايل جي موجوده سيزن دوران هڪ عجيب ’ڪارو جادو‘ تڪرار سامهون آيو آهي.
هڪ ڏينهن اڳ چنائي سپر ڪنگز ۽ سن رائزرز حيدرآباد وچ ۾ کيڏيل ميچ جي وڊيو سوشل ميڊيا تي وائرل ٿي وئي آهي.
وڊيو ۾ ڏسي سگهجي ٿو ته سن رائزرز حيدرآباد جو هڪ پرستار هٿ ۾ ليمون کڻي مبينا طور تي جادو جهڙو ڪم ڪندي نظر اچي رهيو آهي.
سوشل ميڊيا صارفين ان کي ”ڪارو جادو“ قرار ڏئي رهيا آهن.
خاص طور تي، شيو دوبي هن ايڪشن کانپوءِ جلد ئي ڪلين بولڊ ٿي ويو، جيڪو 195 رنسن جي ٽارگيٽ جي تعاقب ۾ ٽيم جي آخري اميد هئي.
آءِ پي ايل جي چيئرمين للت مودي ان وڊيو تي رد عمل ظاهر ڪندي چيو آهي ته هن ڀيري ”ڪارو جادو“ جون ڳالهيون جعلي لڳي رهيون آهن پر ماضي ۾ هڪ ٽيم مالڪ اهڙي سرگرمين ۾ ملوث رهيو آهي.
