لاهور:
يوم تڪبير جي 28هين سالگرهه جي موقعي تي انسپيڪٽر جنرل رائو عبدالڪريم قوم کي مبارڪباد ڏيندي چيو آهي ته 28 مئي پاڪستان جي قومي تاريخ جو سونهري ڏينهن آهي جڏهن ملڪ دنيا جي پهرين اسلامي ايٽمي طاقت بڻجي اڀري ۽ ڏکڻ ايشيا ۾ طاقت جو توازن قائم ڪيو.
آءِ جي پنجاب پنهنجي پيغام ۾ چيو ته يوم تڪبير پاڪستان جي دفاع، سلامتي ۽ خودمختياري جي عزم جي تجديد جو ڏينهن آهي.
هن چيو ته پاڪستان جو دفاع ناقابل تسخير آهي ۽ پنجاب پوليس ملڪ جي اندروني سرحدن ۽ شهرين جي جان و مال جي حفاظت لاءِ هر وقت تيار آهي.
هن ان عزم کي ورجايو ته پنجاب پوليس ملڪ کي دهشت گردن، شرپسندن ۽ دشمن قوتن کان پاڪ رکڻ لاءِ ڪنهن به قرباني کان نه ڪيٻائيندي ۽ ضرورت پوڻ تي وطن تي رت جو آخري ڦڙو به وهائيندي.
آءِ جي پنجاب چيو ته پنجاب پوليس وطن جي دفاع کي مضبوط ڪرڻ ۽ اندروني ۽ بيروني خطرن کي منهن ڏيڻ لاءِ پاڪ فوج سان گڏ پنهنجو ڪردار ادا ڪندي رهندي.
پنجاب پوليس جي ترجمان موجب يوم تڪبير جي موقعي تي لاهور سميت سڄي پنجاب ۾ 100 کان وڌيڪ ريليون، تقريبون ۽ ٻين پروگرامن لاءِ سڪيورٽي جا سخت انتظام ڪيا ويا آهن.
ترجمان جو چوڻ آهي ته صوبي ۾ 4 هزار کان وڌيڪ آفيسر ۽ جوان سيڪيورٽي جا فرض سرانجام ڏئي رهيا آهن ته جيئن شهري پرامن ماحول ۾ يوم تکبير ملهائي سگهن.
