لاهور:
پنجاب حڪومت وڏو فيصلو ڪندي سرڪاري ملازمن کي 30 اپريل تي پگهارون ادا ڪرڻ جو حڪم ڏئي ڇڏيو آهي.
ايڪسپريس نيوز موجب صوبائي حڪومت پينشنرز کي پينشن به ساڳئي ڏينهن ادا ڪرڻ جا حڪم جاري ڪري ڇڏيا آهن.
اهو فيصلو 1 مئي کان 3 مئي تائين موڪلن جي ڪري ورتو ويو آهي ته جيئن ملازمن ۽ پينشنرن کي بروقت ادائيگيون ڪري سگهجن. ان حوالي سان ناڻي کاتي پاران سڄي صوبي جي اڪائونٽس آفيسرن کي باضابطا هدايتون جاري ڪيون ويون آهن.
