گلگت بلتستان ۾ حڪومت سازي لاءِ سياسي سرگرميون تيز ٿي ويون آهن.
ذريعن موجب پاڪستان پيپلز پارٽي حڪومت ٺاهڻ لاءِ مختلف پارٽين سان رابطا شروع ڪري ڇڏيا آهن ۽ ان حوالي سان پيپلز پارٽي به مجلس وحدت مسلمين (ايم ڊبليو ايم) سان رابطو ڪري ورتو آهي.
ذريعن جو چوڻ آهي ته پيپلز پارٽي گلگت بلتستان ۾ حڪومت ٺاهڻ لاءِ ايم ڪيو ايم کي حڪومت ۾ شامل ٿيڻ جي دعوت ڏني هئي پر مجلس وحدت مسلمين اڃا تائين ان آڇ جو ڪو مثبت جواب نه ڏنو آهي.
سياسي رابطن دوران اهم صلاح مشورا به ڪيا پيا وڃن. ذريعن موجب مجلس وحدت مسلمين جي سربراهه علامه راجا ناصر عباس پاڪستان تحريڪ انصاف جي چيئرمين بئريسٽر گوهر سان فون تي رابطو ڪيو آهي.
ذريعن جو چوڻ آهي ته علامه راجا ناصر عباس بئريسٽر گوهر کي پيپلز پارٽي سان ٿيل رابطن ۽ حڪومت سازي بابت اڳڀرائي کان به آگاهه ڪيو. گلگت بلتستان ۾ حڪومت سازي جي حوالي سان مختلف سياسي پارٽين وچ ۾ مشاورت ۽ رابطي جو سلسلو جاري آهي.
