اسلام آباد:
قومي اسيمبلي جي اسٽينڊنگ ڪميٽي جي اجلاس ۾ انڪشاف ٿيو آهي ته هڪ ئي شخص ڪيتريون ئي ڪمپنيون ٺاهيون، سمورا ٽول پلازا کيس ڏنا ويا.
قومي اسيمبلي جي مواصلات بابت اسٽينڊنگ ڪميٽي جي ذيلي ڪميٽي جو اجلاس سيد حفيظ الدين جي صدارت هيٺ ٿيو، جنهن ۾ ترقياتي منصوبا وقت تي مڪمل نه ٿيڻ تي ڪاوڙ جو اظهار ڪيو ويو.
اين ايڇ اي عملدارن ڪميٽي کي ٻڌايو ته فنڊز جي عدم فراهمي سبب منصوبا دير ٿي رهيا آهن. منصوبن لاءِ بروقت فنانسنگ جي صورت ۾ منصوبا مقرر مدي ۾ مڪمل ڪيا ويندا. منصوبن لاءِ بجيٽ سالانه بنيادن تي قسطن ۾ مختص ڪئي ويندي آهي. فنانسنگ جمع رقم ۾ ادا نه ڪئي وئي آهي.
اجلاس کي عملدارن ٻڌايو ته سڄي ملڪ ۾ 109 ٽول پلازا ٺاهيا ويا آهن. 90 ٽول پلازا ٺهرايا ويا آهن. 10 ٽول پلازا NLC کي ڏنا ويا آهن ۽ باقي خانگي ڪمپنين وٽ آهن.
ڪنوينر ڪميٽي انڪشاف ڪيو ته هڪ ئي شخص ڪيتريون ئي ڪمپنيون ٺاهيون ۽ سمورا ٽول پلازا ان شخص کي ڏنا ويا. اخبارن ۾ ڇپجي چڪو آهي ۽ سنڌ ۾ عام آهي.
ان موقعي تي اسٽينڊنگ ڪميٽي ٽول پلازه جا ٽينڊر دستاويز ايندڙ اجلاس ۾ طلب ڪري ورتا. ڪميٽي چيئرمين اين ايڇ اي ۽ سيڪريٽري مواصلات کي ايندڙ اجلاس ۾ طلب ڪري ورتو آهي.
ڪنوينر رابطا ڪميٽي چيو ته چيئرمين ۽ سيڪريٽري نه آيا ته انهن خلاف استحقاق واري تحريڪ آندو ويندو. بعد ۾ ڪميٽي سکر حيدرآباد موٽر وي ۽ پورٽ قاسم کان ايم نائن منصوبي جا تفصيل طلب ڪري ورتا.
